Llibros
Celébrase’l Día de les Lletres Asturianes en Madrid
María Esther García.
El xueves 29, a les 20:00 hores, nel Salón Príncipe d’Asturies del Centru Asturianu de Madrid que preside Cosme Sordo, va celebrase’l Día de les Lletres en Madrid. Nesta ceremonia, va facese entrega de los Diplomes a los Alumnos del Cursu de Llingua 2008 y el Fallu del VII Concursu de Relatu Curtiu n’asturianu 2008.
El cuentu ganador del 2007 foi’l titulau «La maestra» de María Esther García; tamién se concedió un accésit a la obra «La simiente», de Xosé María García Rodríguez de Bimeda.
A la fin del actu, María Esther García fairá un recital de poesía.
